25 | Neetho Samamevaru | నీతో సమమెవరు | Calvary Temple

పల్లవి: నీతో సమమెవరు - నీలా ప్రేమించేదెవరు 

నీలా క్షమియించేదెవరు - యేసయ్యా 

నీలా పాపికై ప్రాణం పెట్టిన - వారెవరు ?

1. లోక బంగారము - ధన ధాన్యాదులు 

ఒకపోగేసినా - నీతో సరితూగునా 

జీవ నదులన్నియు - సర్వ సంద్రములు 

ఒకటై ఎగసినా - నిన్ను తాకగలవా 

లోక సౌఖ్యాలన్నీ ఒకచోట కుమ్మరించిన 

నీవెగా చాలిన దేవుడవు ॥నీతో॥

2. పలు వేదాలలో - మతగ్రంథాలలో 

పాపమే సోకని - పరిశుద్ధుడేడి 

పాప పరిహారార్ధం సిలువ మరణమొంది 

తిరిగి లేచినట్టి - దైవ నరుడెవ్వరూ 

నీలా పరిశుద్ధ దేవుడెవరున్నారయా 

నీవేగా మంచి దేవుడవు ॥నీతో॥

3. నేను వెదకకున్నా - నాకు దొరికితివి 

నేను ప్రేమించకున్నా - నన్ను ప్రేమించితివి 

పలు గాయాలు చేసి తరచు రేపితిని 

నన్నెంతో సహించి - క్షమియించితివి 

నీలా జాలిగల ప్రేమగల దేవుడేడి 

నీవెగా విమోచకుడవు ॥నీతో॥