27. Devuni Varasulam | దేవుని వారసులం | Song Lyrics | Athmiya Geethalu

ప|| దేవుని వారసులం - ప్రేమ నివాసులము 

జీవన యాత్రికులం - యేసుని దాసులము 

నవయుగ సైనికులం - పరలోక పౌరులము హల్లెలూయ

1. దారుణ హింసలలో - దేవుని దూతలుగా

ఆరని జ్వాలలలో - ఆగని జయములతో మారని ప్రేమ సమర్పణతో 

సర్వత్ర యేసుని కీర్తింతుము ॥దేవుని॥

2. పరిశుద్ధాత్మునికై - ప్రార్ధన సలుపుదుము 

పరమాత్ముని రాక - బలము ప్రసాదింప 

ధరణిలో ప్రభువును జూపుటకై

సర్వాంగ హోమము జేయుదుము॥దేవుని॥

3. అనుదిన కూటములు - అందరి గృహములలో 

ఆనందముతోను - ఆరాధనలాయే - వీనుల విందుగు పాటలతో 

ధ్యానము చేయుచు మురియుదుము॥దేవుని॥

4.సజీవ సిలువ ప్రభు - సమాధి గెలుచుటచే

విజేత ప్రేమికులం విధేయ బోధకులం - నిజముగ రక్షణ ప్రభలుటకై

ధ్వజముగ సిలువను నిలుపుదుము ॥దేవుని॥

5. గోధుమ గింజవలె - క్రీస్తుడు చావగను

నాధుడు మరణములో - శాశ్వత జీవమును 

నిధులుగ పండించి తేవగును-మాధుర్య రక్షణ లభియించె ॥దేవుని॥

6. హత సాక్షుల కాలం - అవనిలో చెలరేగ- గతకాలపు సేవ - గొల్గోత గిరి జేర 

రీతులలో బహురీతులలో నూతన లోకము కాంక్షింతుము ॥దేవుని॥

7. ప్రభువును చూచుటకై - ప్రజలందరు రాగా 

విభుమహిమను గాంచ - విశ్వమే మముగోర

శుభములు గూర్చుచు మాలోనా-శోభిల్లు యేసునుజూపుదుము ॥దేవుని॥