Prema Yesuni Prema| ప్రేమా యేసుని ప్రేమా| Song Lyrics

ప॥ ప్రేమా యేసుని ప్రేమా - అది ఎవ్వరు కొలువలేనిది

నిజము దీనిని నమ్ము - ఇది భువి అందించలేనిది 

1. తల్లిదండ్రుల ప్రేమ - నీడవలె గతియించును 

కన్నబిడ్డల ప్రేమ - కలలా కరిగిపోవును 

ఎన్నడెన్నడు మారనిది - నాయేసుని దివ్య ప్రేమ

ఎన్నడెన్నడు వీడనిది. - నా ఏసుని నిత్యప్రేమ ||ప్రేమా||

2. భార్యభర్తల మధ్య వికసించిన ప్రేమ పుష్పము

 వాడిపోయి రాలును త్వరలో మోడులా మిగిలిపోవును  ||ఎన్న||

3. బంధు మిత్రులయందు వెలుగుచున్న ప్రేమదీపము 

నూనె ఉన్నంతకాలమే - వెలుగునిచ్చి ఆరిపోవును ||ఎన్న||

4. ధరలోని ప్రేమలన్నియు స్థిరముకాక తరిగిపోవును 

క్రీస్తుయేసు కల్వరి ప్రేమ - కడవరకు ఆదరించును ||ఎన్న||