Na Hrudhayamulo|నా హృదయములో|Song Lyrics|Athmiya Geethalu

నా హృదయములో నీ మాటలే నా కనులకు కాంతి రేఖలు.

కారు చీకటిలో కలువరి కిరణమై

కఠిన హృదయమును కరిగించినావు. నీ కార్యములను వివరింపతరమా?

నీ ఘనకార్యములు వర్ణింపతరమా?

1. మనస్సులో నెమ్మది కలిగించుటకు మంచువలె కృపను కురిపించితివి. విచారములు కొట్టివేసి - విజయానందముతో నింపినావు నీరుపారేటి తోటగా చేసి సత్తువగల భూమిగా మార్చినావు ॥నీ కార్య॥

2. విరజిమ్మె ఉదయకాంతిలో నిరీక్షణ ధైర్యమును కలిగించితివి. అగ్నిశోధనలు జయించుటకు - మహిమాత్మతో నింపినావు. ఆర్పజాలని జ్వాలగా చేసి దీపస్థంబముపై నను నిలిపినావు

॥నీ కార్య॥

3. పవిత్రురాలైన కన్యకగా - పరిశుద్ధ జీవితము చేయుటకు పావన రక్తముతో కడిగి - పరమానందముతో నింపినావు . సిద్ధ పడుతున్న వధువుగా - సుగుణాల సన్నిధిలో ననునిలిపినావు

॥నీ కార్య॥