51 Seeyonu Paatalu / సీయోను పాటలు / Athmiya Geethalu

ప॥ సీయోను పాటలు - సంతోషముగ - పాడుచు సీయోను వెళ్ళుదము

1. లోకాన శాశ్వతానందమేమియు - లేదని చెప్పెను ప్రియుడేసు 

పొందవలె నీలోకము నందు - కొంతకాల మెన్నో శ్రమలు ॥సీ॥

2. ఐగుప్తును విడిచినట్టి మీరు - అరణ్య వాసులే యీ ధరలో 

నిత్యనివాసము లేదిలలోన - నేత్రాలు కానానుపై నిల్పుడి ॥సీ॥

3. మారాను పోలిన చేదైన స్థలముల - ద్వారా పోవలసి యున్ననేమి?

నీ రక్షకుండగు యేసే నడుపును - మారని తనదు మాటనమ్ము ॥సీ॥

4. ఐగుప్తు ఆశలన్నియు విడిచి - రయముగ యేసుని వెంబడించి 

పాడైన కోరహు పాపంబు మాని - విధేయులై విరాజిల్లుడి ॥సీ॥

5. ఆనందమయ పరలోకంబు మనది - అచ్చటి నుండి వచ్చునేసు 

సీయోను గీతము సొంపుగ కలసి - పాడెదము ప్రభుయేసుకు జై ॥సీ॥