150 Padana Mounamugane |పాడనా..మౌనముగానే - స్తుతి కీర్తన | Song Lyrics

పల్లవి : పాడనా..మౌనముగానే - స్తుతి కీర్తన

చూడనా ఊరకనే నిలిచి - నీ పరాక్రమ కార్యములు 

యేసయ్యా నీతో సహజీవనము - నా ఆశలు తీర్చి తృప్తి పరచెనే

1. ప్రతి ఉదయమున - నీ కృపలో నేను ఉల్లసింతునే 

నీ రక్తాభిషేకము కడిగెనే - నా ప్రాణాత్మశరీరమును 

నా విమోచనా గానము నీవే - నా రక్షణ శృంగము నీవే ||పాడనా||

2. దీర్ఘ శాంతమూ - నీ కాడిని మోయుచూ నేర్చుకొందునే

నీ ప్రశాంత పవనాలు అణచెనే - నా వ్యామోహపు పొంగులన్నియూ 

నా ఓదార్పు నిధివీ నీవే - నా ఆనంద క్షేత్రము నీవే ||పాడనా||

3. నీ ఆలయమై - నీ మహిమను నేను కప్పుకొంటినే 

నీ తైలాభిషేకము నిండెనే - నా అంతరంగమంతయునూ

నా మానస వీణవు నీవే - నా ఆరాధన పల్లకి నీవే

||పాడనా ||