91 | Paralokamu Na Deshamu | పరలోకము నా దేశము | Calvary Temple

పల్లవి: పరలోకము నా దేశము పరదేశి నేనిల 

మాయలోకమేగా నేను యాత్రికుడను ॥పరలోకము॥

1. ఎంతో అందమైనది పరలోకము - అసమానమైనది ఆ దేశము 

ఎల్లప్పుడు విశ్వాసముతో - యాత్రను సాగింతును॥పరలోకము॥

2. దూతలు పాడుచుందురు  పరమందున 

దివారాత్రములందు పాడుచుందురు 

పావనుని చూచి నేను - హర్షింతును నిత్యము ॥పరలోకము॥

3. రక్షకుని చెంతకు - యెప్పుడేగెదన్ 

వీక్షించెద నెప్పుడు - నాదు ప్రియుని 

కాక్షించెద నామదిలో - ఆయన చెంతనుండ ॥పరలోకము॥

4. అద్దరికి ఎప్పుడు - నేను వెళ్ళెదన్ 

అగుపడుచున్నది - గమ్యస్థానము 

అచ్చటనే చూచెదను - పరిశుద్ధు లెల్లరిన్ ॥పరలోకము॥

5. నిత్యానందముండును పరమందున 

నీతి సమాధానము - ఉండునచ్చట 

పొందెదను విశ్రాంతిని - శ్రమలన్నియు వీడి ॥పరలోకము॥