73 | Devudu Manaku Ellapudu | దేవుడు మనకు ఎల్లప్పుడు | Calvary Temple

పల్లవి: దేవుడు మనకు ఎల్లప్పుడు తోడుగా నున్నాడు.

1. ఏదేనులో ఆదాముతో నుండెను హానోకు తోడ నేగెను 

దీర్ఘ దర్శకులతో నుండెను ధన్యులు దేవునిగలవారు ॥తో॥

2. దైవాజ్ఞను శిరసావహించి- దివ్యముగ నాబ్రహాము 

కన్న కొమరుని ఖండించుటకు - ఖడ్గము నెత్తినయపుడు ||తో॥

3. యోసేపు ద్వేషింప బడినపుడు- గోతిలో త్రోయబడినపుడు 

శోధనలో చెరసాలయందు సింహాసనమెక్కినయపుడు ॥తో॥

4. ఎర్రసముద్రపు తీరమునందు - ఫరో తరిమిన దినమందు 

యోర్ధాను దాటిన దినమందు - యెరికో కూలిన దినమందు॥తో॥

5. దావీదు సింహము నెదిరించి ధైర్యాన చీల్చినయపుడు 

గొల్యాతును హతమార్చినపుడు-సౌలుచే తరుమబడినపుడు॥ తో॥

6. పౌలు బంధించబడినపుడు - పేతురు చెరలో నున్నపుడు 

అపోస్తలులు విశ్వాసులు - హింసించబడిన యపుడు ॥తో॥

7. సింహపు బోనులో దానియేలు - షడ్రక్ మేషాక బెద్నెగో 

అగ్ని గుండములో వేయబడన్ - నల్గురుగా కనబడినపుడు||తో॥