221 Krupa Krupa / కృపా కృపా సజీవులతో / Hosanna Ministries Songs

పల్లవి : కృపా కృపా సజీవులతో నను నిలిపినది నీ కృపా 

నా శ్రమదినమున నాతో నిలిచి నను ఓదార్చిన నవ్యకృప నీదు కృప 

కృపాసాగరా మహోన్నతమైన నీ కృప చాలునయా

1. శాశ్వతమైన నీ ప్రేమతో 

నను ప్రేమించిన శ్రీకరుడా 

నమ్మకమైన నీ సాక్షినై నే 

నీ దివ్యసన్నిధిలో నన్నొదిగిపోని 

నీ ఉపదేశమే నాలో ఫలబరితమై 

నీ కమనీయ కాంతులను విరజిమ్మెనే 

నీ మహిమను ప్రకటింప నను నిలిపెనే

2. గాలితుఫానుల అలజడిలో 

గూడు చెదరిన గువ్వవలె 

గమ్యమును చూపే నిను వేడుకొనగా 

నీ ప్రేమ కౌగిలిలో నన్నాదరించితివి

నీ వాత్యల్యమే నవ వసంతము  

నా జీవిత దినములు ఆద్యంతము

ఒక్క క్షణమైన విడువని ప్రేమామృతము

3. అత్యునతమైన కృపలతో 

ఆత్మఫలము సంపదతో

అతిశ్రేష్ఠమైన స్వాస్థ్యమును పొంది 

నీ ప్రేమ రాజ్యములో హర్షించువేళ 

నా హృదయార్పణ నిను మురిపించనీ 

నీ గుణాతిశయములను కీర్తించనీ 

ఈ నిరీక్షణ నాలో నెరవేరనీ