Nadipinchu Nanaava | నడిపించు నానావ | Song Lyrics

ప॥ నడిపించు నానావ - నడిసంద్రమున దేవా

నవజీవన మార్గమున - నా జన్మ తరియింప

1.నా జీవిత తీరమున - నా అపజయ భారమున 

నలిగిన నా హృదయమును - నడిపించుము లోతునకు

నాయాత్మ విరబూయా - నా దీక్ష ఫలియింప 

నానావలో కాలిడుము - నా సేవ జేకొనుము ||నడి||

2. రాత్రంతయు శ్రమపడినా - రాలేదు ప్రభూ జయము

రహదారులు వెదకినను - రాదాయెను ప్రతిఫలము

రక్షించు నీ సిలువ - రమణీయ లోతులలో

రతనాలను వెదుకుటలో - రాజిల్లు నా పడవ ||నడి||

3.ఆత్మార్పణ చేయకయే - ఆశించితి నీ చెలిమి

అహమును ప్రేమించుచునే - అరసితి ప్రభు నీ కలిమి

ఆశా నిరాశాయె - ఆవేద నెదురాయె

ఆధ్యాత్మిక లేమిగని - అల్లాడె నావలలు ||నడి||

4.ప్రభు మార్గము విడచితిని ప్రార్థించుట మానితిని

ప్రభు వాక్యము వదలితిని - పరమార్థము మరచితిని

ప్రపంచ నటనలలో - ప్రావీణ్యమును బొంది

బలహీనుడనై ఇపుడు - పాటింతు నీమాట ||నడి||

5.లోతైన జలములలో - లోతున వినబడు స్వరమా లోబడుటను నేర్పించి - లోపంబులు సవరించి

లోనున్న ఈవులతో - లోతైన నా బ్రతుకు

లోపించని యర్పణగా - లోకేశ చేయుమయా ||నడి||

6.ప్రభుయేసుని శిష్యుడనై - ప్రభుప్రేమలో పాదుకొని

ప్రకటింతును లోకములో - పరిశుద్ధుని ప్రేమకథ 

పరమాత్మ ప్రోక్షణతో - పరిపూర్ణ సమర్పణతో

ప్రాణంబును ప్రభుకొరకు - పానార్పణముచేతు ||నడి||