104.Na Yesayya Na Sthuthiyagamu| నా యేసయ్యా నా స్తుతియాగము|Song Lyrics in Telugu|Hosanna Ministries

పల్లవి : నా యేసయ్యా నా స్తుతియాగము నైవేద్యమునై ధూపము వోలె 

నీ సన్నిధానము చేరును నిత్యము 

చేతువు నాకు సహాయము వెనువెంటనే - వెనువెంటనే (2)

1.ఆత్మతోను మనసుతోను 

నేను చేయు విన్నపములు (2) 

ఆలకించి తండ్రి సన్నిధిలో నాకై 

విజ్ఞాపన చేయుచున్నావా (2) 

విజ్ఞాపన చేయుచున్నావా || నా యేసయ్యా ||

2.ప్రార్థన చేసి యాచించగానే 

నీ బాహు బలము చూపించినావు (2) 

మరణపు ముల్లును విరిచితివా నాకై 

మరణ భయము తొలగించితివా (2) 

మరణ భయము తొలగించితివా || నా యేసయ్యా ||

3.మెలకువ కలిగి ప్రార్థన చేసిన

శోధనలన్నియు తప్పించెదవు (2) 

నీ ప్రత్యక్షత నే చూచుటకే నాకై 

రారాజుగా దిగి వచ్చెదవు (2)

 రారాజుగా దిగి వచ్చెదవు || నా యేసయ్యా ||