38 | Randi Yuthsahinchi Paadudi | రండి యుత్సాహించి పాడుదము | Calvary Temple

పల్లవి: రండి యుత్సాహించి పాడుదము 

రక్షణ దుర్గము మన ప్రభువే

1. రండి కృతజ్ఞత స్తోత్రముతో - 

రారాజు సన్నిధి కేగుదము 

సత్ప్రభు నామము కీర్తనలన్- 

సంతోషగానము చేయుదము

2. మన ప్రభువే మహా దేవుండు- 

ఘన మహాత్మ్యము గలరాజు 

భూమ్యాగాధపు లోయలును - 

భూధర శిఖరము లాయనవే

3. సముద్రము సృష్టించె నాయనదే - 

సత్యుని హస్తమే భువి జేసెన్ 

ఆయన దైవము పాలితుల -

మాయన మేపెడి గొర్రెలము

4. ఆ ప్రభు సన్నిధి మోకరించి - 

ఆయన ముందర మ్రొక్కుదము 

ఆయన మాటలు గైకొనిన -

నయ్యవి మనకెంతో మేలగును

5. తండ్రి కుమార శుద్ధాత్మకునూ - 

దగు స్తుతి మహిమలు కల్గు గాక! 

ఆదిని నిప్పుడు నెల్లపుడు- 

నయినట్లు యుగముల నౌను ఆమేన్