82 | Rakshana Pondhithiva | రక్షణ పొందితివా | Calvary Temple

పల్లవి: రక్షణ పొందితివా - నిరీక్షణ నొందితివా 

బ్రతుకిల మారినదా నీ భారం తీరినదా

1. ఎన్నాళ్ళు ఈ పాపపు బ్రతుకు - ఎందాక ఈ శాపపు పరుగు 

అంతము మరణమేగా నీ అంతము నరకమేగా ॥రక్షణ॥

2. ఆగదు సమయం నీ రక్షణకై ఆగదు మరణం నీ కోరికపై 

అనువగు సమయమిదే - నీ రక్షణ సుదినమిదే ॥రక్షణ॥

3. ఎన్నాళ్ళుగ ప్రభునెదిరించితివో - ఎంతగ ప్రభుని విసిగించితివో 

కొంచెము యోచించు నీవించుక గమనించు ॥రక్షణ॥

4. పాపమునుండి తిరుగుము నేడే పాపిని ప్రభువా మన్నించుమనీ 

పరితాపము పొంది - ప్రార్థించుము ఈ దినమే ॥రక్షణ॥

5. ప్రేమామయుడు ప్రభువగు క్రీస్తు - ప్రాణముపెట్టెను సిలువలో నీకై 

పాపము తొలగించున్ నీ శాపము పరిమార్చున్ ॥రక్షణ॥